Terapia në çift është një ndërhyrje që synon të ndihmojë bashkëshortët/bashkëjetuesit që kanë vështirësi për të përballur apo kapërcyer momentet kritike që hasin gjatë udhëtimit të tyre së bashku. Individët vendosin të kërkojnë një ndërhyrje në çift,kur marrëdhënia e tyre po has vështirësi të cilat ata nuk arrijnë dot ti menaxhojnë dhe superojnë. Çdo çift jeton fazat e tij. Vështirësitë e hasura mund të jenë të llojeve të ndryshme në varësi të fazës së ciklit jetësor të çiftit (çift pa fëmijë, lindja e fëmijës së parë, rritja dhe shkëputja nga fëmijët, vështirësi në komunikim, ndryshime në metodat e prindërimit, konflikte, tradhëti, ndarje etj.)